Пад такой назвай у каледжы 12 кастрычніка ў межах XI Міжнароднай навуковай канферэнцыі “Тэкст. Мова. Чалавек” было праведзена культурна-асветніцкае мерапрыемства.

 

Яно прайшло ў фармаце сустрэчы з цікавым чалавекам. У якасці гасцей былі запрошаны прадстаўнікі ўстановы вышэйшай адукацыі “Мазырскі дзяржаўны педагагічны ўніверсітэт імя  І.П. Шамякіна” : Шур Васіль Васільевіч, доктар філалагічных навук, прафесар; Кавалёва Алена Валер'еўна, дацэнт кафедры замежных моў і методыкі выкладання замежных моў, кандыдат філалагічных навук, дацэнт; Юдзянкова Ганна Віктараўна, загадчык аспірантуры, кандыдат філалагічных навук, а таксама Шахоўская Святлана Уладзіміраўна, дацэнт кафедры мовазнаўства і лінгвадыдактыкі філалагічнага факультэта Беларускага дзяржаўнага педагагічнага ўніверсітэта  імя М. Танка (г. Мінск).

 

Прафесар Васіль Васільевіч Шур расказваў навучэнцам пра ўласныя імёны і прозвішчы, заклікаў іх цікавіцца паходжаннем назваў, гісторыяй нашых гарадоў, вёсак, паселішчаў і іх знакамітымі людзьмі.

 

Не абышоў увагаю прамоўца і былых выпускнікоў медыцынскага каледжа, якія сталі шырока вядомымі людзьмі: Бобр Уладзімір Аркадзьевіч, Дуда Іван Уладзіміравіч, Збароўскі Эдуард Іосіфавіч.

 

Усе прысутныя змаглі паглядзець слайдшоў “Горад над Прыпяццю” (падрыхтаваў Бурдук Андрэй, Лд-34), паслухаць музыкальны нумар у выкананні Гаўрыленка Юліі (М-23), адчуць асалоду ад чытання вершаў Проц Дар’яй (М-23) і Сідаравым Сяргеем (М-21). Дарэчы, на вечарыне гучалі вершы, аўтарамі якіх з’яўляюцца супрацоўнікі устаноў аховы здароўя Беларусі. Тэхнічнае і музыкальнае суправаджэнне забяспечвалі адпаведна Дземідзенка Данііл (Лд-24) і Блізнец Данііл (Лд-21).

 

Увесь вечар гучала беларуская мова. Па меркаванні арганізатараў, вельмі важна, каб сённяшняя моладзь ведала і захоўвала культурныя здабыткі нашых продкаў і сучаснікаў.