25 сакавіка у Мазырскім медыцынскім  каледжы прайшоў конкурс па грамадзянска-патрыятычным выхаванні “Гэта наша Беларусь. Будуем будучыню разам”, які быў прымеркаваны да 75-годдзя Вялікай Перамогі  і 90-гадовага юбілею класіка беларускай літаратуры Уладзіміра Караткевіча.

Адкрытая выстава конкурсных работ разгарнулася на першым паверсе вучэбнага корпуса каледжа. Было прыемна назіраць, як навучэнцы і куратары рыхтавалі свае пляцоўкі: раскладвалі  фотаздымкі, цікавыя і тэматычныя рэчы, вышыванкі, рушнікі і інш.

Развіццё пачуцця нацыянальнай годнасці і гордасці за прыналежнасць да культурных традыцый беларусаў,забеспячэнне паўнапраўнага развіцця асобы сродкамі роднай мовы і культуры, захаванне гістарычных і культурных сувязей з папярэднімі пакаленнямі- гэта асноўныя задачы конкурса.

Члены экспертнага савета вызначылі  пераможцаў шляхам сумеснага абмеркавання і  адкрытага галасавання.

Пераможцы былі ўзнагароджаны прызамі і сувенірамі ад прафсаюзнага камітэта навучэнцаў.

На мой погляд, дадзенае мерапрыемства  спрыяе пашырэнню камунікатыўнай прасторы выкарыстання беларускай мовы ў адукацыйным працэсе і павелічэнне патэнцыяльных маўленчых магчымасцей навучэнцаў, таксама удасканаленню форм работы  па грамадзянска-патрыятычным выхаванні моладзі ў сучасных умовах. Як важна, каб навучэнцы не страцілі сваёй прыналежнасці да беларускай нацыі і яе культуры.